Vår vakttelefon er betjent døgnet rundt! Har du spørsmål om driftsforstyrrelsar, kontakt oss på 911 83 388
For dei som framleis ynskjer å motta faktura i posten, vil det bli lagt til eit gebyr på kr. 49,- inkl. mva for produksjon og utsending av fakturaen, ved første fakturering i 2019. Vi oppmodar alle som nyttar Nettbank for betaling av sine rekningar å inngå avtale om E-faktura kombinert med Avtalegiro.
Vi nyttar UMS for varsling av leidningsbrot, planlagt stenging, kokepåbod mm. Blir du varslet på sms? Klikk her og se om du er registrert
Vi tek vår del av ansvaret for å hindre spreiing av Covid -19, kontorlokala våre er stengde for besøkande utan avtale. Du kan kontakte oss på tlf: 70 08 33 80 i kontortida Kl 9 til Kl 15 på kvardagar. Eller på epost: post@mail.1.heroy.vasslag.no.co Dersom du har spørsmål om driftsforstyrrelsar kan du kontakte oss heile døgnet på vår vakttelefon: 911 83 388
Årmøtet gjer vedtak om gebyrregulativ gjeldande for etterfylgjande år. Årsgebyret er samansett av “Abonnementsgebyr” (fast årleg) og “forbruksgebyr” (stipulert eller etter målar). For Gebyrregulativ rev. 13.mai 2020, klikk her For gjeldande prisliste 2021, klikk her.
Det er Årsmøtet som vedtek vedtekter og reglement. Vedtektene vart sist revidert på Årsmøtet 26. april 2018. Reglementet vart sist revidert på Årsmøte 13.mai 2020. VA-norm for Sunnmøre med lokale bestemmelsar for Herøy, gjeld i samband med alle nye utbyggingar av vassforsyningsanlegg. Om du ynskjer meir informasjon om reglement og vedtekter for Herøy Vasslag SA, kan disse lastast ned: For å sjå reglement: Klikk her For å sjå vedtekter: Klikk her For å sjå VA-norm for Sunnmøre: Klikk her
Datoar for avlesning er 30.06 og 31.12. For større forbrukarar gjeld og avlesning 31.03 og 30.09. Det er viktig å lese av vassmålaren rett, då dette gir grunnlaget for årsoppgjer og neste års vatn- og avløpsgebyr.
Beredskapsplanen er eit av fleire instrument for at vasslaget skal ivaretake sitt overordna samfunnsansvar for vassforsyninga i sitt område. Dei viktigaste samarbeidspartane i denne samanheng er Herøy kommune og Mattilsynet.
Vasslaget skal som eigar av vassforsyningsanlegget ha søknad om tilknyting til leidningsnettet. Søknadsskjema kan lastast ned frå vasslaget si heimeside, eller hentast på vasslaget sitt kontor. Søknad skal innehalde målsett skisse for tilknytingspunktet og stoppekraner, underskriven av eigedomens rettmessige eigar og godkjent føretak.
Herøy Vasslag SA
Rammevilkår for drifta av Herøy Vasslag:Drikkevatn er vårt viktigaste næringsmiddel, og drikkevassforsyninga er frå 01.01.2004 underlagt Lov om matproduksjon og mattryggleik (Matlova). Med heimel i Matlova, Lov om helsetenesta i kommunane og Lov om helsemessig og sosial beredskap er det fastsett Forskrift for vassforsyning og drikkevatn (Drikkevatnforskrifta). Forskrifta har til formål å sikre forsyning av drikkevatn i tilfredsstillande mengde og av tilfredsstillande kvalitet.
Herøy vasslag skal etter vedtektene syte for tilfredsstillande vassforsyning samt legge til rette for å bygge ut brannvatn i samsvar med til ei kvar tid gjeldande lover og forskrifter, i laget sitt forsyningsområde.
Private vassleidningar skal byggjast og vedlikehaldast av medlemane, men vasslaget fastset kvalitetskrav som må oppfyllast for å få knyte seg til vasslaget sitt leidningsnett. (Sjå eige reglement)
VA-norm for Sunnmøre med lokale bestemmelsar for Herøy, gjeld i samband med alle nye utbyggingar av vassforsyningsanlegg.
Laget skal drivast etter sjølvkostprinsippet med allmennyttige formål som basis. Eventuelt årsoverskot skal leggast til føretaket sin allmenne eigenkapital. Det skal ikkje betalast renter på innskoten andelskapital eller utdelast utbyte til medlemmane.
Medlemskap/Andelskapital
Ein kvar som er einig i føretaket sitt formål, som godtek føretaket sine vedtekter og som eig ein eigedom som kan knytast til vasslaget sitt leidningsnett, har rett til å bli medlem i føretaket mot å betale det fastsette andelsinnskotet.
Medlemskapen er knytt til fast eigedom med eige Gn./Bnr/Snr. Det skal betalast ein andel for kvar sjølvstendig eigedom.
Om vatnet vi leverer:
Mørkevatnet på Moltufjellet er felles vasskjelde for Moltustranda vassverk og Herøy Vassverk. Mørkevatnet er ei god råvasskjelde, med svakt humushaldig vatn og relativt lav pH. Vatnet ligg 310 m over havet og har eit samla sjøareal på 285 000 m2. Regulert magasin har ein kapasitet på 340 000 m3. Nedbørsfeltet som gir tilsig til vatnet utgjer 2,3 km2. Reguleringsmagasin med kloringsanlegg ligg 150 m over havet.
Vår visjon er:
Alltid rikeleg, reint vatn.
I tillegg til private hushaldningar leverer H.V. vatn til fiskeribedrifter, helseinstitusjonar, landbruk, industri og kontorbygg.
Vasskvalitet:
For å overvake at vi alltid leverer vatn av tilfredstillande kvalitet tek vi regelmessige prøver av vatn før og etter behandling i tillegg til seks ulike stadar ute på nettet: Det vert analysert for bakteriar, farge, lukt, smak, ph, partiklar . Fargetalet i råvatnet varierer frå 10 til 18, med gjennomsnitt på ca. 13,7.Råvatnet har ein pH på 6,4 som er surt. Ved tilsetjing av vannglas har vi no ein pH ute på nettet på 7,1 i snitt. Målsettinga er stabilt 7,5.